Back

ⓘ Hoëveld




Hoëveld
                                     

ⓘ Hoëveld

Geografies beslaan die Hoeveld n groot deel van die land naamlik Gauteng, die grootste deel van Mpumalanga, die Vrystaat en, volgens hoogte, ʼn groot deel van Noordwes en die Noord-Kaap. Hoogte bo seespieel wissel van 1 200 m tot 1 800 m. Plantegroei is hoofsaaklik boomlose savanne; reenval wissel van so min as 400 mm in die verre suide tot 900 mm in die noordooste. Dit is ʼn somerreenvalgebied en reen val dikwels in die vorm van swaar donderstorms. Winters is gewoonlik ʼn opeenvolging van matige wolklose dae, maar dit kan snags baie koud word, veral in die suide.

Die meeste van die land se mielies word in die Hoeveld verbou. Die streek dra ook onder andere die volgende produkte tot die nasionale spens by: bees- en skaapvleis, graansorghum, sonneblomsaad, grondbone, aartappels en ander groente.

Die Hoeveld bevat ʼn skatkamer van minerale. Die wêreld se rykste goudrif word in Gauteng en in die noordwestelike Vrystaat in van die diepste myne ter wêreld ontgin. Gauteng is die nuwerheidshartland van die land. Diamante word by die Premiermyn naby Pretoria gemyn, waar die wêreld se grootste diamant, die Cullinan, gevind is. Die land se grootste steenkoolmyne en Eskom se kragsentrales is in Mpumalanga gelee.